Ադելը նոր երգ է ձայնագրում

Ադելը, ըստ տեղեկությունների, պատրաստվում է վերադառնալ ձայնագրման ստուդիա՝ իր երաժշտական դադարից հետո։ The Sun-ի փոխանցմամբ՝ երգչուհին կարող է նոր երգ ձայնագրել Թոմ Ֆորդի առաջիկա Cry To Heaven ֆիլմի սաունդթրեքի համար։

Ֆիլմը, որում Ադելը պատրաստվում է ունենալ իր դերասանական դեբյուտը, նկարահանվելու է Էնն Ռայսի 1982 թվականի վեպի հիման վրա։ Նրանում հանդես կգան նաև Աարոն Թեյլոր-Ջոնսոնն ու Նիկոլաս Հոլթը։

Ադելը վերջին անգամ մեծ երաժշտական նախագծով հանդես էր եկել 30 ալբոմով, իսկ 2024 թվականին ավարտել էր Լաս Վեգասի իր ռեզիդենսին։ Երգչուհին այն ժամանակ նշել էր, որ չգիտի՝ երբ կրկին կվերադառնա բեմ, և որ պատրաստ է կյանքի նոր փուլին։